Josetxo Ezkurrak lanak eman dizkio Urrizari erremonteko buruz buruko lehen partidan

Ttipi-Ttapa 2017ko abu. 18a, 07:44
Ezkurra II.a pilota astintzen, Urrizaren kontrako bertze partida batean.

30-23 irabazi zuen gaur egungo txapeldunak doneztebarrari 

Kutxabank buruz buruko erremonte txapelaren defentsan bere lehen partida irabazi zion Javier Urrizak Josetxo Ezkurra doneztebarrari, 30-23 ortzegunean Galarretan. Ezkurra II.ak tantu bakarrarengatik ezin izan zuen puntu bat lortu, baina lanak eman zizkiongaur egungo txapeldunari.

 

Urrizak astebete geldirik egon behar izan du lesio baten ondorioz, baina minik gabe aritu zen. Gaur egungo txapelduna markagailuan aitzinetik izan zen 3-2tik aitzinera, baina ez zuen partida hausteko modurik izan. 22-19 eta 26-22 hurbil izan zuen Ezkurra II, baina 27-23 zirela, pilota garbia huts egin zuen Doneztebekoak eta hor joan zitzaion partida. Sakean ez zuen minik egin Ezkurra gazteak. Piloteoan bai, dotore ibili zen, 14 tanto eginez eta 3 pilota galduz, hauetako bi partida bukaera aldera.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun