erran.eus

XVI. Ramon Latasa saria jokatuko da abuztuaren 12an Sunbillan

  Kirola  Malerreka  Sunbilla

Bortz aizkolari bikoteren arteko lehiaz gain, Xanta Sousak marka ahalegina eginen du 75 kiloko txingekin, Maika Ariztegi eta Bihurriren arteko aizkora desafio berezia eta harrijasotze erakustaldia izanen dituzte 

Abuztuaren 12an, larunbatean, 19:00etatik aurrera Ramon Latasaren omenezko sariketa jokatuko da Sunbillako pilotalekuan. Historiak eman duen aizkolaririk onenetako bat izan zen Ramon Latasa, eta urtero bezala, hamar aizkolari onentsuenak ariko dira haren oroimenezko lehiaketan.

XVI. Ramon Latasa saria jokatuko da abuztuaren 12an Sunbillan
Sunbillako pilotalekuak hainbat aizkora eta herri kirol zale bilduko ditu aurten ere. | Ikusi handiago | Argazki originala

 

Bost bikotetan ariko dira lehian: Aitzol Atutxa eta Ugaitz Mugertza, Iker Vicente eta Ruben Saralegi, Arria V eta Joseba Otaegi, Donato Larretxea eta Jon Rekondo eta Mikel Larrañaga eta Iñaki Azurmendi. Bikote bakoitzak hamar kanaerdiko eta sei 60 ontzako ebaki beharko ditu.

Ekitaldi berean, Xanta Sousak marka ahalegina egiteko asmoa dauka, 75 kiloko txingak erabiliz esku bakoitzean. Aizkora desafio berezia ere izanen da, gizonezkoa eta emakumezkoa aurrez aurre ariko baitira. Ernesto Ezpeleta Bihurri aizkolari eibartarrak eta Maika Ariztegi aizkolari iturendarrak neurtuko dituzte indarrak. Bihurri esku bakarrarekin ariko da eta Ariztegi bi eskuekin. Emakume batek ez du inoiz halako enbor handirik moztu inoiz plaza batean.                                                                                            Bukatzeko, Aimar Irigoien eta Jexux Mari Iruretagoiena Izeta III.a, bi minutuko txandetan 125 kiloko zilindroarekin, eta 112,5 kiloko harri kubikoarekin.

2017/08/12 19:00

Sunbillako udal pilotalekua Malerreka Sunbilla

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa