erran.eus

Ane Petrirena atleta sunbildarra Europako txapeldun izan da

  Kirola  Malerreka  Sunbilla

Espainiako selekzioarekin, 23 urtez beheitiko kategorian 4x100 lasterketa irabazi du 

Poloniako Bydgoszcz hirian egin duten Europako 23 urtez beheitiko atletismo txapelketan urrezko domina historikoa lortu du korrikalari sunbildarrak Espainiako selekzioarekin, 4x100 errelebo lasterketan uztailaren 16an.

Ane Petrirena atleta sunbildarra Europako txapeldun izan da
Ane Petrirena (ezkerretik hasita bigarrena), Europako txapeldun izan den laukotean. | Ikusi handiago | Argazki originala

 

Paula Sevilla, Ana Petrirena, Lara Gomez eta Cristiana Larak osatutako laukoteak Europako txapelketa irabazteaz gain (Espainiako selekzioak ez zuen inoiz dominarik lortu erreleboan), Espainiako errekor berri bat ezarri zuen (43.96).

Aipagarria da Ane Petrirenak 20 urte bertzerik ez dituela, baina palmares handia. Azken garaipen honetaz gain, 2013ko martxoan Epsainoako txapeldun izan zen jubenil mailan 200 metroko lasterketan, aire librean nahiz barnean. Uztailaren 2an jokatutako Espainiako txapelketan, promesa mailan zilarrezko domina lortu zuen distantzia horretan. 

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa