Bi partidak irabazi zizkieten Ezkurra II-Barrenetxea IV.ari eta Urriza-Ion-i
Sanferminetako peñen erremonte txapelketa irabazi ondotik, ADANO elkartearen alde antolatutako erremonte triangularra ere irabazi zuten Xanti Uterga eta Joxe Etxeberria III doneztebarrek uztailaren 13an Labrit pilotalekuan.
Hiru bikoteren arteko triangularra izan da Labritekoa eta Estatuko Erremonte Zirkuiturako baliagarria. Utergak eta Etxeberria III.ak bi partidak irabazi zituzten, 20-13 Josetxo Ezkurra II eta Barrenetxea IV.aren kontra eta emaitza bera, 20-13, Urriza eta Ionen kontra. Lehenbiziko partidan, Urriza eta Ionek 20-15 irabazi zieten Ezkurra II eta Barrenetxeari.
Giro ederra izan zen Labriten, Nafarroan Minbizia duten haurrak babesten dituen ADANO elkartearen aldeko jaialdian.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.