Uztailaren 2an jokatu zuen finala Donezteben Gorritiko Mikel Berekoetxearen kontra
Hirugarren urtez segidan Nafarroako sega txapelketa irabazi du Jon Kanflanka leitzarrak. Uztailaren 2an Donezteben jokatu zen txapelketa eta leitzarrak 1.711,90 kilo belar bildu zituen 45 minutuz eta Mikel Berekoetxea gorritiarrak 1.475,30 kilo. Orain, Euskal Herriko kanporaketa jokatuko dute biak Aian, uztailaren 23an.
Nafarroako sega txapelketa zazpialdiz jokatu da Nafarroan (2005, 2006, 2007, 2010, 2015, 2016 eta 2017).
Aurreko lau txapelketak Lantzeko David Mariñelarenak eraman zituen eta aurten hirugarren aldiz, Jon Kanflankak. Sari banaketan, Oinatz Bengoetxea pilotari leitzarra izan zen, Xanti Uterga Doneztebeko alkatearekin batera.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
