Segalari bakoitzak 45 minutuz ahalik eta belar gehien ebaki beharko du. 10 euroko sarrera ordaindu beharko da txapelketa ikusteko.
Nafarroako hainbat txapel Iruñeko Sanferminetan erabakiko dira
Ez da izanen, noski, uztailean erabakiko den Nafarroako herri kirol txapelketa bakarra. Ohikoa denez, Iruñeko Sanferminetako eguerdietan, Foruen Plazan hainbat txapel jarriko dira jokoan.
Uztailaren 8an, Nafarroako lehen mailako trontza txapelketa eta emakumezkoen trontza txapelketa jokatuko dituzte; uztailaren 9an, Nafarroako bikotekako aizkora txapelketa eta orga txapelketa; uztailaren 10ean Nafarroako harrijasotze txapelketa, emakumezkoen txinga txapelketa eta lasto altxatze txapelketa; uztailaren 11n, Nafarroako hirugarren mailako aizkora txapelketako kanporaketa eta kadete mailako trontza txapelketa; uztailaren 13an, emakumezkoen eta gizonezkoen Nafarroako ingude altxatze txapelketak eta uztailaren 14an, Nafarroako gizonezkoen txinga txapelketa.
Hau idazterakoan, ariko diren kirolariak ez dira erabat zehaztuak baina eskualdeko ordezkaritza zabala izanen da eta seguru txapelen bat etorriko dela hiriburutik.