Ohikoa denez, proba hasteko ttikienak aritu ziren lasterka, izen-ematerik eta sailkapenik gabe. Gero, ttikinaz aurrera, aurrebenjaminetatik infantil maila bitarteko lasterketak egin zituzten. Ondotik, egin zen proba nagusia, kadete mailatik hasi eta beteranoak bitartekoak bildu zituena.
Aipatu bezala, Alberto Barberena elizondarra izan zen 7.300 metroko lasterketa burutzen bizkorrena (24.14). Beste Iruña taldeko Daniel Sanzek (24:18) eta Iñigo Arregi doneztebarrak (25:05)osatu zuten podiuma. Hurbilean izan ziren Iñigo Lasaga doneztebarra (25:09) eta Narbarteko Joseba Elizagoien ere (25:17)
Emakumezkoek distantzia erdia zuten egitekoa, 3.650 metro. Marina Vicente gartazindarra nagusitu zen (13:34) eta Irungo Irene Sanzberrok (13:54) eta Leitzako Eguzkiñe Zabaletak (14:08) osatu zuten podiuma.
