Emakumezkoetan, Maika Ariztegi iturendarra (7:57) izan zen txapelduna. 14 aldiz Euskal Herriko txapelduna izana Nafarroako txapelduna ere izan da hainbat aldiz eta pronostikoa bete ditu aurten ere. June Etxeberria txantrearrak (8:11) eta Ainhoa Iraizoz elsoarrak (8:18) osatu zuten podiuma. Laugarren Antsoaingo Irune Biurrun izan zen (8:27) eta bosgarren Antsoaingo Saioa Zurbano (9:32).
Gizonezkoetan, berriz, Aitor Blanco txantrearra (6:34) suertatu zen garaile, Fernando Etxegarai beratarra (6:44) bigarren eta Iñigo Lasaga etxalartarra (6:46) hirugarren.
Emakumezkoetan, Maika Ariztegi eta June Etxebarria sailkatu dira Euskal Herriko txapelketara, gizonezkoetan Fernando Etxegarai eta Iñigo Lasaga, Aitor Blancok ezin izanen baitu bertan egon. Azkenik, irailaren 9an Saran jokatuko den Zazpi herrialdeen arteko txapelketan Fernando Etxegaraik Nafarroako selekzioarekin parte hartuko du, arrazoi berarengatik.
