10:00etan haur eta helduendako eskulanak izanen dira eta 11:30ean mus tximista txapelketa hasiko da. Parte hartu nahi duenak egunean berean eman beharko du elkartean izena. 13:00etan aizkora apustuaren txanda izanen da: Julen Kañamares eta Mieltxo Mindegia ariko dira aizkoran.
14:00etan herritarren artean prestatutako paellada eginen dute. Joan nahi duenak bi telefono hauetako batera deituta eman behar du izena: 683 535648 edo 679 214229. 17:00etan, berriz, haur eta helduendako jokoak prestatu dituzte eta ondotik, txokolatea eskainiko dute. 18:30ean nagusiendako berendua izanen da elkartean eta horren ondotik, omenaldi sorpresa bat izanen dela aitzineratu dute antolatzaileek.
19:30ean talo tailerra izanen da nahi duen guztiarentzat eta ondotik, berendu afaria brasan egindako pintxo eta taloekin. Horrez gain, egun guztian Agerralde musika jotzen ariko da.