Uterga eta Etxeberria III doneztebarrek, Urriza eta Barrenetxea IV izanen dituzte arerio
Urolako Erremonte txapelketako finala jokatuko dute maiatzaren 19an, ortzirale arratseko 10etatik aitzinera Zestoako kiroldegiko pilotalekuan. Xanti Uterga eta Joxe Etxeberria III doneztebarrek, Urriza eta Barrenetxea IV. izanen dituzte arerio.
Jaialdia irekiko duen partidan, bi aurrelari gazte ariko dira nor baino nor, gibeleko koadroetan, gaur egungo atzelari onenetakoak dituztela: Erburu eta Endika Urrutia, Etxarri eta Ion Etxeberriaren kontra ariko dira.
Final nagusian, berriz ere Urriza eta Utergaren arteko lehia izanen da. Iruñeko Alde Zaharreko txapelketan, Urriza nagusitu zen, baina finalean Etxeberria III haundi bat izan zuen lagun. Oraingoan, atzelari doneztebarra Utergarekin ariko da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.