Ameztia eta Pepa´s garaile Doneztebeko X. Pintxo lehiaketan

Ttipi-Ttapa 2017ko mai. 11a, 07:30
Hamargarren pintxo lehiaketako sariak banatu dituzte maiatzaren 10ean Doneztebeko Udaletxean. Ameztia eta Pepa's izan dira aurtengo saridunak.

Epaimahaiaren eta publikoaren sariak eskuratu dituzte

Donezteben, apirilak 28tik maiatzaren 1era ospatu da X. Pintxo lehiaketa. Parte hartu duten ostatuak Ameztia, Irrintzi, El Café, Mikelo, Pepa's, Shanti eta Titi izan dira eta beti bezala, bi sari banatu dituzte. Epaimahaiaren irabazlea Ameztia izan da. Bozkatu duen jendearen arabera eta publikoaren saria, Pepa's.

 

Bozkatu dutenen artean Bodega Inurrieta ardo lote bat zozketatu da. Honen irabazlea Haritz Arriola sunbildarra izan da. Aipatu beharra inoiz baino pintxo gehiago eman direla eta izugarrizko jende pila etorri zela eta honek giro aparta jarri zuen herrian.
Ostatuak egiten ari diren lanarengatik ikaragarrizko maila lortzen ari da lehiaketa. Sariak maiatzaren 10ean, asteazken arratsaldean eman dituzte Doneztebeko Udaletxean.

Saria eman zutenen artean, Xanti Uterga Doneztebeko alkatea, Iñurrieta upategiko Felipe Lizardi eta Iruñeko Alhambra jatetxeko Ignacio Idoate sukaldaria zeuden.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun