Erreka Dantza taldeak eta Dantzari Txikien taldeak antolatutako lehendabiziko Dantzari Eguna ospatuko da apirilaren 30ean. Herrikoekin batera, Lesakako Tantirumairu eta Ituren-Zubieta eta Sunbilla-Baztango dantzariak ariko dira. Igande horretan, 10:30ean harrera ekitaldia izanen da Bearzana plazan; 11:00etan herrian zehar kalejira eta dantzak eginen dituzte. 12:30ean dantza saio nagusia eginen dute Bearzana plazan eta ondoren, herri bazkaria izanen da. Bazkaldu ondoren muxikoak eta dantzaldiak izanen dira, Modestok alaituta. Bazkariari dagokionez, bi menu izanen dira aukeran: helduendako eta umeendako
X. Pintxo lehiaketa
X. Pintxo Lehiaketa, berriz, apirilaren 29tik maiatzaren 1era ospatuko da. Aurtengo edizioan zazpi ostatuk parte hartuko dute: Pepa´s kafetegia, Cafe, Mikelo, Irrintzi, Titi, Santi eta Ameztia tabernak ariko dira sukaldeak astintzen pintxo goxoak eskaintzeko eta aurtengo irabazlearen txapela janzteko. Lehiaketan botoa ematen dutenen artean, Inurrieta upategiko ardo lotea zozketatuko dute.
