Sariei dagokienez, Javier Urrizak jasoko du 2016ko erremontelari onenaren saria. Xanti Uterga doneztebarrak jasoko du aurrelari onenaren saria eta Ion Etxeberriak atzelari onenarena. Erremontelari moldakorrenaren saria Endika Urrutia saldiastarrak jasoko du eta promesarik onenaren saria Xabier Azpirozek.
Erremonteko lehen partidan, iaz debutatu zuten lau erremontelari ariko dira aurrez aurre: Erburu eta Garcés, Etxarri eta Otanoren kontra. Ondotik, saritutako lau erremontelari ariko dira partida nagusian: Urriza eta Ion, Uterga eta Endikaren kontra.
Sari banaketan izanen dira Ainhoa Aznarez Nafarroako Parlamentuko presidentea; Ana Herrera Kultura, Kirola eta Gaztediaren kontseilaria; Ruben Goñi, Kirol eta Gaztediaren Institutuko zuzendaria eta Maitena Ezkutari Turismoko zuzendari nagusia izanen dira.