0-3 urte bitarteko umeendako zerbitzu hau erabili nahi duten familiak udal bulegoetatik pasatzen ahal dira informazioa eta dagokion dokumentazioa eskatzeko. Askin Haur Eskolak D eredua eskaintzen du. Familiek eskola-egun osoa (jantokia barne) edo eskola-egun erdia (jantokia barne) aukeratzen ahal dute. Aurrematrikula bukatu ondoren, udalak eskaerak aztertuko ditu eta behin-behineko zerrenda kaleratuko du. Maiatzaren 19tik 26ra behin betiko matrikula egin ahalko da. Ikasturte berria heldu den irailean hasiko da eta 2018ko uztailaren erdialdera bitarte luzatuko da. Prezioei dagokienez, aipatu behar da Nafarroako Gobernuak haur eskolak arautzeko ezarritako irizpideak jarraituz finkatuko direla.