Egun horretan ere Santa Luziako plazan Malerrekako eskulangileen erakusketa eta salmenta antolatuko da (12 bat postu paratuko dira). Udalak feria honekin bertako eskulangileen lana bultzatu eta neguko hitzordu berezi hau bultzatu nahi du. Eguna borobiltzeko arratsaldeko 6:30ean Kapulana bat zintzilik bertso emanaldia antolatu du. Miren Amurizak eskainitako emanaldi gustagarria zinema aretoan izanen da. Bertan Mozanbike-Euskal Herria lotzen dituen kontakizunak eta hausnarketak ipuin eta bertsoen bidez gozatzeko aukera izanen da.
Jostunei omenaldia asteartean
Abenduaren 13an, Santa Luzia egunean, aurreko urtetan bezalaxe, herriak bertako jostun bat omenduko du. Tradizioari segituz, zilarrezko titarea oparituko zaio aurtengo protagonistari. Ekitaldia mezaren bukaeran izanen da eta ondoren luntxa ere eskainiko zaie omenduari eta bertaratzen direnei.