Elixabet Badiolak Glicinia rota eta Suenan muchas campanas dentro de nosotras liburuak izanen ditu solasgai eta horrez gain, Marina Pintos musikariak lagunduta, kontzertu terapeutikoa ere eskainiko dute. Ondoren, afari autogestionatua izanen dute Herriko Ostatuan bertan.
Datozen solasaldiak
Malerrekako I. Udazken Literarioarekin akitzeko, abenduaren 2an Izaskun Zubialdek haurrentzako euskal mitologiari buruzko liburuak aurkeztuko ditu eta abenduaren 9an Dani Martirena Hankaz gora du amak mundua liburuaz eta euskaraz idatzitako bere ipuin erotiko bat biltzen duen bildumaz ariko da. Bi hitzorduak, ohikoa denez, 20:00etan Doneztebeko Herriko Ostatuan.