Bertan zen kasua ikertu duen eta La sima liburua argitaratu duen Jose Mari Esparza historialaria eta Sagardia-Goñiren oinordekoak ere. Orain jakin nahi dute 1936ko gerraren testuingurua egindako krimen honen gibelean zer arrazoi egon zitekeen.
Behin prozesua amaituta, familiak Donamaria-Gazteluko udalak hilerrian utzitako toki batean lurperatuko ditu berriz hezurrak eta hileta zibila eginen diete Juana Josefa Goñiri eta bere sei seme-alaberi.
Paco Etxeberria mediku forentse ezagunak aipatu duenez, lur azpian 50 bat metrora egin dute lana, kasik etzanda, ailegatzeko zaila den eremu batean. Familiako kide guztien hezurdurak ez ezik, haurren oinetakoen kautxozko zolakere topatu dituzte, baita botoiren bat ere.