Urriaren 7an, ortziral arratsalde eta ilunabarrean triki-poteoa izanen da, baita pintxo lehiaketa eta argazki lehiaketa ere. Afalondoan, 22:00etan mus txapelketa jokatuko dute Herriko Ostatuan eta Errandonean kontzertua izanen da, Azken Trena taldearekin.
Urriaren 8an, larunbat goiz guztian zehar zonaldeko artisauek beraien lanen erakusketa eginen dute. 10:00 aldera trikitixarekin herrian buelta emanen dute. Gero joaldunak aterako dira. Eguerdian herri kirolak eta ondotik Muxikoak.
Goiz guztian zehar gazta eta magraren apostua egiteko aukera izanen da eta beti bezala, pisura gehien hurbiltzen denak etxeratuko ditu.
14:30 aldera herri bazkaria izanen da Alaia Martin eta Miren Amuriza bertsolariekin. Herrian buelta bat ere emanen dute bazkalondoan. 19:00etan haurren euskaraokea izanen da. 20:00etan dantzaldia Oharkabe taldearekin. 21:30ean xingar jatea izanen dute afaltzeko. 23:00etan Kontzertuak: La jodedera taldea eta Niarawa batukada. Ondotik, Euskararen Eguna akitzeko, dantzaldia Oharkaberekin.