Pilota jaialdia ortzegun arratsaldeko 7etan hasiko da eta erremonte partidaren aitzinetik, eskuz, lau eta erdiaren barrenean ariko dira Labaka eta Errandonea aurrez aurre.
Joan den urtean, lehen aldiz jokatu zen erremonte partida bat Sunbillako pilotalekuan eta jendez gainezka ageri zen frontoia. Aurten ez da guttiago espero. Uterga eta Etxeberriarentzat ligaxkako hirugarren eta azken partida izanen da. Lehenbizikoa galdu egin zuten Lekunberrin, 27-30 Endika eta Ionen kontra eta bigarrena igandean irabazi Donezteben, 30-29 Ansa II eta Barrenetxea IV.ari. Urriza eta Aizpuruk lehen partida izanen dute.