A multzoan, Urriza, Endika eta gaur Ion eta Segurolak jokatuko duten partidako irabazlea ariko dira. B multzoan, berriz, Uterga, Barrenetxea IV eta ortzegunean, Matxin III eta Aizpuru III.aren arteko partidako irabazlea.
Ligaxkako lehen partida larunbat honetan jokatuko dute Utergak eta Barrenetxeak. Multzo bakoitzeko bi lehenbizikoak sailkatuko dira abuztuaren 7an eta irailaren 3an jokatuko diren finalerdietarako eta aipatu bezala, irailaren 10ean izanen da finala. Aipatzekoa da finalerdietan eta finalean, irabazlearen erremonte bat zozketatuko duela Oriamendik.
Urriza eta Uterga izanen dira final horretan aritzeko faborito nagusiak. Biek erran zutenez, “hau da txapelketarik garrantzitsuena, aunitz ematen ahal dizu, baina baita kendu ere”. Urriza da gaur egungo txapelduna eta laugarrenaren bila lehiatuko da. Utergak oraindik ez daki buruz buruko txapeldun izatea zer den.
Txapelketaren berri gehiago www.oriamendi2010.com webgunean.