Euskal Herriko ordezkarien artean bertan daude Iturengo joaldunak ere. Ekainaren 29an ailegatu ziren eta biharamonean egin zuten lehen emanaldia. Kepa Junkerarekin ere egoteko aukera izan zuten. Uztailaren 7ra arte Estatu Batuetan egonen dira eta zenbait saio eskainiko dituzte.
Washingtonen erdian, National Mailen, Euskal Herriko herri baten errekreazioa osatu dute egunotarako, bere plaza eta frontoiarekin, portua, baserria, euskaltegia… Aipatzekoa da Folklife Festival honek milioi bat bisitari izaten dituela bertan eta bertze 40 milioik internet bidez bisitatzen dutela.