Doneztebeko kanporaketari dagokionez, eskualdeko lau aizkolari ariko dira: Beintza-Labaiengo Migel Angel Etxeberria eta Jon Telletxea, Zubietako Mikel Indakotxea eta Zigako Jose Antonio Etxeberria. Arotegiko Oier Karñamaresek osatuko du Nafarroako ordezkaritza; beraietaz gain, Joxe Felix Zubizarreta, Jokin Alkizalete eta Julen Aranberri gipuzkoarrak; Aitor Jauregi eta Eloy Corchero arabarrak eta Beñat Lekue, Aritz Irazabal eta David Naredo bizkaitarrak ariko dira.
Lakuntzako kanporaketan, Patxi Mindegia zubietarra, Asier Pellejero aresoarra eta Eneko Saralegi leitzarra izanen dira eskualdeko aizkolariak. Nafarroako ordezkaritza Iban Resanok, Goizeder Beltzak, Iker Gorritik eta Josu Agirrek osatuko dute; Gipuzkoatik Aitor Urteaga, Urtzi Olasagasti eta Unai Otaegi; Bizkaitik Aritz Oregi, Xabier Garcia eta Done Itxausi eta Arabatik Iñaki Kintana ariko dira.