Aitzinetik, bi bikote finalistek finalerdietako partidak irabaziak zituzten: Urriza eta Ionek 30-26 irabazi zieten Ansa II eta Barrenetxea IV.ari eta Uterga eta Etxeberria III.ak, 30-21 Segurola eta Endika saldiastarrari.
Finala ikusgarria eta parekatua izan zen, gaur egungo erremonteko bi izar nagusiak nor baino nor zirela aitzineko koadroetan. Baina lau erremontelariek maila bikaina erakutsi zuten.
Erremonteko finalaren aitzinetik, eskuz binakako partida ere jokatu zuten Nafarroako pilota selekzioko bi bikotek. Bakaikoak eta Mariezkurrenak 22-21 irabazi zieten Iriarte eta Rekalderi.
Finala jokatu ondotik, sariak eta txapelak banatu ziren. Ekitaldian izan ziren Ainhoa Aznarez, Nafarroako Parlamentuko presidentea, Jose Luis Calvo Madrilgo udal ordezkaria eta babesleen aldetik, Telefonicako Patricia Larraz eta Martikoko Joseba Martikorena.