Zenbait laguntzaile izanen ditu igande arratsaldeko 7etan elizan eginen duen emanaldian
Mendi Abesbatzaren eskutik proposamen berritzailea datorkigu oraingoan. Kantua, instrumentu musika, antzerkia, margoa, dantza, koreografiak… Guziak elkarrekin oholtza gainean. Nikomes, Kitolis eta Kattalin pertsonaien inguruan Ipuin Musikatua prestatu dute abesbatzako kideek, talde honetako bakarlari, instrumentu jotzaile, margolari eta Errekako taldeko dantzariekn laguntzarekin.
Honetaz gainera, abesbatza honetako kide den Ruth Etxebestek prestaturiko “14 Ilargi” gaztetxoen taldeak Kalakan talde ezagunaren Sagarra jo kantua abestuko du estrainekoz Donezteben emanaldi berean.
Guziarekin, hitzordu berezia izanen da datorren Igandean, hilaren 22an, arratsaldeko 7etan Doneztebeko Elizan eskainiko dena. Zahar eta gazte, guziak gozatzeko modukoa!
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.