Aipatu behar da lehendabiziko aldia dela Doneztebeko Udalak kartel lehiaketa antolatu duena eta hagitz balorazio ona egin duela. Bortz lan aurkeztu dira eta maila handiko lanak direla erran daiteke (bestetako aldizkarian herritarrek kartel guztiak ikusteko aukera izanen dute).
Altxaferoa nork botako duen herritarrek erabakiko dute
Doneztebeko aurtengo San Pedrotako besteen hasiera piztuko duen herritarra edo taldea doneztebarrek aukeratuko dute. Maiatzaren 27ra bitarte proposamenak egin daitezke. Nork egin dezake proposamena? Donezteben erroldatua egon eta 16 urte baino gehiago duenak. Hautagaia egitean aipatu behar dira pertsonaren edo taldearen merituak, garbi adieraziz herriarekin lotura dutela. Proposamenak udaletxean utzi edo alkatetza@doneztebe.eus helbidera igorri behar dira izen, abizenak eta ENA zenbakia gehituz.