Malerreka kantuz ere egun berean suertatu zenez, giro polita izan zuten egun osoan
Beintza-Labaienek, joan den larunbatean, maiatzaren 7an. ospatu zuen Ittur- ondo elkarteko urteroko besta. Jai honekin bat egin zuen Malerreka kantuz egunak. Eguerdi aldera, aizkora lehiaren aurretik, herrian zehar aritu ziren kantuan eta modu honetan girotu zuten goizeko jardunaldi hau.
Ordubatak aldera ekin zioten aizkolariek bere lanari. Hiru bikotek parte hartu zuten, bost herritar ( Jesús, Miguel Angel, Jazinto, Jon eta Pello) eta seigarrena Arostegiko Cañamares.
Bestari jarraipena eman zioten ondoren, eta bazkaltzera bildu ziren elkartera bazkideak. Mus txapelketa antolatu zen egunari amaiera emateko eta horretan jardun ziren ilunabar arte.