Doneztebeko Udalak lur eremu bat erabili nahi du zenbait udal partzela herritarren eskura paratzeko baratze modura erabil ditzaten. Kokapenari dagokionez, aipatu behar da Mourges etorbidean eginen direla (Txakurtxillotik Aparan industrialdera zabaltzen den lur eremuan).
Herri baratze hauen kudeaketa eta antolakuntza bideratzeko kontzesioa eta erabilera arautzeko ordenantza prestatzen ari dira. Udal ordenantza hilabete honetako udal bilkuran onartuko da.
Ordenantzan honako puntu hauek ezarrikodira: eskumenak eta zaintza, funtzionamendu arauak, erabilera, mugak eta sarbideak, aprobetxamendu-epeak, kanonak, fidantzak, kalte eta galeren ordainketa, arau-hausteak, kontzesioa bukatzeko arrazoiak…
Behin eskaerak bilduta, Doneztebeko udalak eskatzaileak deituko ditu baratzeen zozketa eta txukunketa auzolanaren bidez antolatzeko. Proiektu honi hasiera eman eta poliki poliki horren inguruko ikastaroak,hobekuntzak… egiten joanen dira.