Erreka A taldea hirugarren izan zen taldekako erlojuaren kontrako sailkapenean
Nafarroako erlojuaren kontrako taldekako duatloi txapelketa jokatu zen apirilaren 9an Sarrigurenen eta aipatzekoa da Doneztebeko Erreka Triatloi taldeko partaidetza, hiru taldetan banatutako 15 kirolarirekin aritu baitzen. Erreka A taldea (Iñigo Arregi, Javier Magaña, Alberto Barberena eta Santi San Miguel) hirugarren izan zen sailkapen orokorrean.
5 kilometro lasterka, 24 kilometro bizikletan eta azkeneko bi kilometro eta erdi berriz ere lasterka egin behar izan zituzten kirolariek eta erran bezala, sailkapenean hirugarren izan zen Erreka Tri, Saltoki ahalguztidunaren eta Arenas taldeen gibeletik. Guztira 342 kirolarik parte hartu zuten proban.
Aipatzekoa da biharamonean ere Errekako 14 kirolarik parte hartu zutela Egueseko proban.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.