Kontzertuko egitaraua emakumeen inguruan osatu dute: emakume ahotsetarako piezak abestuko dituzte, emakume konposatzaile baten obra ere bai, amatasunaren inguruko gaia duen bertze bat eta egun honetarako bereziki prestatutako doinua: Mikel Markez eta Uxue Alberdik sorturiko Konplize ditut eta hain zuzen ere, korurako moldaketa egun honetan estrainekoz emanen dutelarik. Udalarekin elkarlanean antolaturiko kontzertu honek besta izakera izanen du eta ordu erdi inguru iraunen du.
Egitaraua
1. Konplize ditut eta (Hitzak: Uxue Alberdi; Musika: Mikel Markez; Abesbatzarako moldaketa: Ion Irazoki)
2. Izar ederra (Francisco Escudero, herri doinuaren gainean)
3. Ñoño dantza (Lorenzo Ondarra)
4. Pater Noster (Xabier Sarasola)
5. Si tú no estás aquí (Rosana, Moldaketa: J. Domínguez)
6. Haurrak lotaratzeko soinua (herrikoa, moldaketa Jose Ignacio Ansorena)
7. Hiru Txito (Aita Donostia)
Emanaldiaren aitzinetik kalejira egitekoa dute eta ondotik afaria eginen dute Herriko Ostatuan, musikaz alaituta.
Aste osoan zehar Herriko ostatuan bertako hainbat emakumek egindako lanen erakusketa ikusgai dago.
