Errekaren emaitza, taldearen erregulartasunean oinarritu zen, talde bakoitzaren hiru lehenbizikoen denborak kontuan hartzen baitziren sailkapena egiterakoan. Iñigo Arregi eta Santi San Miguel doneztebarrak elkarrekin sartu ziren helmugan, ordubete, 12 minutu eta 30 segundoko denborarekin eta Jon Maritxalar sunbildarrak ordubete, 15 minutu eta 11 segundo behar izan zituen ibilbidea osatzeko. Hiruen denborak batuz, 3 ordu, 40 minutu eta 11 segundo. Endika Eugi ere ez zen urrun ibili, Jon Maritxalarren baino 20 segundo gehiago, ordubete, 15 minutu eta 31 segundo behar izan baitzuen proba burutzeko.
Araba-Tri taldeak 3 ordu, 29 minutu eta 14 segundo behar izan zituen eta podiuma osatu zuen Zarautz Triatloi elkarteak, 3 ordu, 42 minutu eta 21 segundo.
Guztira 143 kirolarik bukatu zuten proba.