Larunbat goizeko 11etan jarri dute hitzordua pilotalekuan, nahi duenak mozorrotua ager dadin eta gero kalez kale ibiliko dira musikarien laguntzaz. Arratsaldeko 4etan ipuin kontalaria entzuteko aukera izanen dute neska-mutikoek Udaletxean eta gero, jokuak, txokolatea eta buruhandiak izanen dituzte frontoian.
Inauteri festa borobiltzeko, gaueko 9etan Barranka ostatuan bertso-triki afaria antolatu du Udalak, Jexux Mari Irazu eta Aitor Mendiluze bertsolariekin eta Oihana eta Oihana trikitilari eta panderojoleekin. Afarirako erreserba egin behar da, 948 615080 telefonora deituz.