Koteto Ezkurra izan zen partidako protagonista nagusia 25 tanto akitu eta huts bakarra egin baitzuen. Urdinak fuerte hasi ziren, 1-6 irabaziz, baina zazpina berdindu ondotik, 18-12 aitzindu ziren gorriak. Tantu bakarrera hurbildu ziren urdinak (19-18), baina ez zuten berdintzerik izan eta 3-4-5 tantuko aldeari eutsi zioten Ezkurrak eta Endikak. Alderik handiena 31-23koarekin lortu zuten baina pilota aldatu ondotik, berriz ere 31-28 eta 35-32 hurbildu ziren urdinak. Orduan egin zituen sake onenak Endikak eta 38-32 aitzindu ziren gorriak. Pixko bat hurbildu ziren urdinak, baina azkenean garaipena eta behar zuten aldea Malerrekakoentzat izan zen.
Bertze finalerdian, Matxin III eta Ionek 40-38 irabazi zieten Etxeberria IV eta Etxeberria III.ari lehen partidan. Bigarren partida asteartean jokatuko dute Galarretan.