Malerreka Trukerreka komisioak egin duen labe mugikorra probatzeko aukera ere izanen da
Malerreka Trukerrekak antolatzen duen Lanbide eta Artisauen azokak hirugarren urteurrena ospatuko du abenduaren 13an Iturenen. Hasieratik honat gorabeherak izan ditu azokak. Uztailetik honat, azokaz gain bertze ekitaldi bat antolatu dute.
Hirugarren urteurrenerako ospakizun handia prestatu dute, beti bezala hilabeteko bigarren iganderako. 11:00etan haurrei zuzendutako birziklapen tailerra izanen da Birbira taldearen eskutik. Zaborrarekin artea sortuko dute Birbirak zuzenduko duen tailer honetan. Malerreka Trukerreka Azokako komisioak egin duen labe mugikorra inauguratuko dute 12:30ean eta ondotik probatzeko aukera ere izanen da, bertan nahi dena egosi, erre edo prestatzeko. 13:00etan toka txapelketa jokatuko da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.