Hilabete luzez itxita egondako Oizko Ostatuko maizter berriek janari eta edariak eskaini dizkiete kantariei
Azaroan 7an, larunbat eguerdian, Oizen hirugarrenez Malerreka kantuz antolatu zen, udaberri giroko udazken eguna abesti anitzez freskatzeko. Eguzkia zeru urdinean, Oizko plazan bildu ziren hogeita hamarren bat pertsona, oiztarrek nahiz inguruko herriko bisitariek zintzurrez batera kantatzeko asmoz. Ikusi Ainara Maia Urrozen argazkiak
Oizko plazan elkartu ondoren, herriari bira eman zioten herritarrek eskusoinuaz lagundurik, eta kantuan eta dantzan ere aritu ziren. Eliza ondoan bukatu zen kantu bira, eta ondoren, hilabete luzez itxita egondako eta berriki irekitako Oizko ostatuan, maizter berriek mahaia bete janari eta edari oparoz goxo saritu zituzten kantariak.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.