Azaroaren 27a izanen da argazkiak bidaltzeko azkeneko eguna
Iaz izandako arrakastaren ondotik, II. argazki lehiaketa antolatu da berriz ere aurtengo Iturengo kultur egunetarako. Argazkiak aurkezteko gai desberdinak proposatu dira: etorkizuna, baserria, tristura, kolorea, egunero egiten den zerbait, kirola, poza, zaharra eta berria, animalia eta gai librea.
Parte hartzaileak gehienez gai bakoitzetik argazki bakarra aurkeztu dezake eta modu digitalean emailez bidali beharko ditu ituren.gazteak@gmail.com helbidera. Bidalitako argazkiekin batera egilearen izen abizenak eta harremanetarako telefonoa zehazteko eskatu dute antolatzaileek.