Batista bere bizimodu gehiena Armasko-bordan egina da. Han, bere emazte zenarekin, Mariarekin, hazi zuen familia ederra: Kandida, Joxe, Roxita, Juanita, Victor, Modesta, Manuel eta Periko seme-alabak eta hauek ekarri dituzten bilobak eta birbilobak. Nekazari bezala beti, eta hortaz gain aulkiak egiten aritzen zen lezka ekarrita. Bertze etxeko ardiren bat edo aberen bat ikusten bazuen Amezti aldean, Batistak agudo ematen zuen jakitera. Beti irrifarrez, beti umore onean. Denekin harreman xamurra. Horrela izandu da beti. Barruko alaitasun eta goxotasun horrek, zerbait izango du 100 urte bete baditu. Familia kanporatzen hasi zenean, Armasko-bordatik Xillategira joan zen bizitzera eta han bete ditu 100 urte.