Nafarroako erremonte txapelketako finalerdietako partidan aritu ziren pilotariez gain, Koteto Ezkurrarekin batera aritu eta ari diren bertze hainbat bildu ziren omenaldian. Bere izena eta irudia agertzen zuen margoa agertzeaz gain, Juani Zunzarren Kotetoren amak bi gerriko ere eman zizkion.
Hain zuzen, finalerdietako partida horretan Urrizak eta Patxi Olazarrek 40-23 irabazi zieten Endika eta Agirrezabalari, igandean galdu zuten finalerako txartela lortuz.
Baina Koteto ez zen omendu bakarra izan. Gazte mailako GRAVNI txapelketa irabazi berri duten Eloy Garcia eta Julen Larretxea ere omendu zituzten. Gainera, biek jokoan ikusteko aukera ere izan zen. Hain zuzen, Eloy Garciak, Remonte Fundazioko Xabi Azpirozekin bikote eginez 30-29 irabazi zieten Julen Larretxea eta Remonte Fundazioko Beñat Rodriguez-i.