Mari Jose Bereau alkatearekin batera, Miquel Andreu Gas Navarrako zuzendaria eta Julio Laplana, enpresa horretako azpiegituretako ordezkaria izan ziren aurkezpenean. Horren arabera, Gas Navarrak 5 kilometroko hornidura-sarea eginen du gasa banatzeko. Lanak, urriaren bigarren hamabostaldian hasiko dituzte eta Iturengo profesionalak arituko omen dira. Datozen bi urteetan, herrian 120 hornidura-puntu baino gehiago ezartzea espero du.
Bizilagunei gas naturalare ezaugarriei, erabilerei eta abantailei buruzko azalpenak eman zizkieten. Horren arabera, ingurumena gehien errespetatzen duen erregai konbentzionala omen da gas naturala, eraginkorrena eta ekonomikoena izateaz gain. Gaur egun, Nafarroako bizilagunen %90ak dauka gas naturalerako sarvidea eta Gas Navarrak 124 herritako 193.000 etxebizitzetara eramaten du energia-mota hau, 2.100 kilometro baino gehiagoko hornidura-sarearen bidez.