Bertan 70 eskola ttikitako irakasleak elkartuko dira, beraien egunerokoa partekatu eta egun guztian zehar ekitaldiak ere izanen dira. Goizeko 10etan elkartuko dira Pulunpa eskolan eta bertan ongi etorria egin ondotik tailerretan banatuko dira irakasleak. Gai desberdinak landuko dituzte: bikoteka irakurtzen, bertsolaritza emozio hezkuntzarekin lotua, proiektuka lana…
Eguerdi aldera tailerren balorazioa egingo dute eta gero nahi duenak Iturengo herriko ostatuan bazkaltzeko aukera izanen du. Antolatzaileek aurreratu digutenez, sorpresa batzuk ere izanen dira. Besteak beste, irakasle eta ikasleek herriko eskolaren egoera zein den azaldu eta eskola berria eskatzeko egin duten lipduba ikusteko aukera izanen da.