Egun honetan, gizon berexi bat izan dugu gure artean. Basajaun eta jentil arrazatik heldu den kirolari paregabea, Joxe Aierbe ataundarra (ikus argazkian, goikaldean ezkerretik bigarrena). Gure euskalherri honek eman ditu bai, aizkolari eta lasterkalari handiak, baina Aierbe handia izan da benetan. Gizon bizkor eta kementsu honek dauka marka, 20 kanaerdiko enborrak moztu eta 20 kilometro lasterka. Bere sasoian egin zuen lan hau, 2 ordu, 9 minutu eta 39 segundotan. 50 urtetan berriro plazaratu eta 2 ordu, 15 minutu eta 7 segundotan utzi zuen marka. Hor dago marka hori, hobetu nahi duenarentzat.
Aizkora saioa eta gero, elkartean bazkideak bakailua eta solomilloa izan zuten bazkaltzeko eta ondoren mus txapelketa antolatu zen. Bertan, Joxe Mari Urroz eta Pello Telletxeak irabazi zuten eta Maritxu Telletxea eta Pili Telletxea ahizpak, azpitxapeldunak gelditu ziren.