EH Bilduk maiatzeko hauteskundetarako prestatu duen programa eta zerrenda aurkeztuko ditu martxoaren 13an (ortzirala), 20:00etan zineman. Hiru hilabete lanean aritu ondoren koalizio honek itxura eman dio hauteskunde-programari. Lan taldeak bi abiapuntu nagusi izan ditu: herriko talde eragileengandik jasotako ekarpenak (34 eragileekin solastu eta proposamenak jaso dira) eta doneztebar guziei helarazi zaizkien inkesten ekarpenak. 140 inkesta inguru bildu dira. Horretaz gain, eta programa antolatzeko, 8 azpibatzorde osatu dira eta bilera idekiak burutzen ari dira martxoaren 2tik 8ra. Bilera ideki horiek helburu bikoitza izan dute: alde batetik, programa osatzea eta bertze aldetik, lantalde iraunkorrak sortzea (osatuko den udalari laguntza emateko).
ALDIZKARIA
Batzarrak hauteskunde-programari eta zerrendari oniritzia eman ondotik, EH Bilduk behin betiko itxura emanen dio 8 edo 12 orriko aldizkaria kaleratuz eta doneztebar guziei ailegaraziz.
Martxoaren 6an Baztan-Bidasoako EH Bilduk eztabaida gunea antolatuko du Doneztebeko erakusketa aretoan eta arratsaldeko 7etatik 9etara zonaldeko EH Bilduko hautagaiek burutuko den saioan hainbat gaien inguruko gogoeta eginen dute. Bertan adostutako puntuak ere idatziko dira tokian tokiko aldizkari eta hauteskunde-programarekin batera txertatzeko.