Donostian taxista lanean aritutako 20 bat jubilatu bildu ziren Saldiasen, bere lan denborako kontuak gogoratzeko. Donostian lan egin arren, gehienak sortzez inguru honetakoak dira, Ezkurra, Leitza, Lekunberri, Oiz, Azkarate, Etxarri, Lakuntza… Bere lanbidearekin lotutako oroitzapenak berritzeaz gain, bazkari ederra egin zuten Saldiasko ostatuan eta kantuan eta musean eman zuten bazkalondoa.