Ortzegun arratseko trikipoteoa eta afariarekin hasi eta larunbat arratsaldeko orgen desfilera eta kuadrilen afarira bitarte egitarau zabala izanen dute Doneztebeko inauteriek. Ortziralean baserrietako eskea eginen dute gazteek.
Otsailak 12, ortzeguna
20:00etan Trikipoteoa.
21:00etan Afaria Herriko Ostatuan.
Otsailak 13, ortzirala
09:00etan Baserrietan eskea. Gazteak bi taldetan banatuko dira eta behin baserrietako eskea egin eta gero, eguerdian berriz ere elkartu eta Leitzarako bideko tailerrak bisitatuko dituzte.
14:00etan Bazkaria Herriko Ostatuan. Bazkalondoan musika Modestorekin.
21:00etan Kuadrilen afaria.
Otsailak 14, larunbata
16:00etatik 19:45era Orgen desfilea Aparandik aterata. (Orga eta mozorro hoberenak sarituko dituzte).
22:00etan Kuadrilen afaria.