Aurkezpena 18:30ean hasiko da eta Onintza Enbeita idazlea bera ere bertan izango da. Habelartek eta Aresoko Udalak antolatu dute hitzordua eta Landa Eremuko Emakume Baserritarren Egunarekin du lotura.
Enbeita bertsolaria, idazlea eta baserritarra da, eta Feli Madariagaren bizipenetan oinarrituta osatu du liburua. Baserriko bizimoduaren argazkia osatu du: «Gure amonen, birramonen edo gure amen bizimodua kontatzen da hemen andre baten ahotan. Baserria bere horretan, erromantizismorik gabe».