Goizuetarrak 22-7 irabazi zion igandean Basaurin Onintza Galdosi eta Ibarrolaren kontra jokatuko du datorren igandean Urnietan
Markagailuak irudika dezakeena baina partida ikusgarriago izan zen. Kontua da, saketik hasita, pilota biziago erabili zuela goizuetarrak, aurkaria frontisetik urrun ibili zuen denborarik gehienean eta tantoak dejadaz bukatzeko gaitasun handia erakutsi zuen. Galdosek utzi zuen detaile politen bat, batez ere airez sartzeko aukera izan zuenean, defentsa ona erakutsi zuenean, baina Sagardui koxka bat gainetik dago modalitate honetan.
Beste bi partidatan, Uxue Osesek 22-16 irabazi zion Irati Benitori eta Irati Betegik 22-11 irabazi zion Udane Ozaetari.
Urriaren 25ean, Urnietan, Aizane Ibarrolaren kontra jokatu beharko du Alize Sagarduik, Lopez de Okarizen kontra Osesek eta Ruiz de Infanteren kontra Betegik.