Mikel Illarregik egin ditu grabazioak eta Leitzako hogei bat emakume artistek parte hartu dute: Leire Retegik, Garazi Erbitik, Onintza Bengoetxeak, Pilartxo Sagastibeltzak, Arantzazu Lizartzak, Miren Tirapuk, Birjinia Mariezkurrenak, Ione Gorostarzuk, Naiara Agirrek, Saioa Maritorenak... eta beste hainbatek. Urriaren 15ean, Landa Eremuko Emakumeen Nazioarteko Egunean, aurkeztuko dute emaitza. Herri aretoan, 19:00etatik aurrera, dokumentala ikusteko aukera izanen da. Proiekzioaren ondotik, gaiari buruzko solasaldi txiki bat eginen dute, eta ondotik mokadutxoa.
'Artea eta emakumea' dokumentala estreinatuko dute ostegunean Leitzan
2026ko urriaren 13a
Abeslari, margolari, eskulangile, musikari, idazle, antzezle... artea bizitzeko hamaika modu daude eta horretan ari dira Leitzako hainbat emakume. Egiten duten lana plazaratu eta balioa aitortu nahi izan die Leitzako Udalak eta berdintasun batzordeak. Horretarako, ahotsa eman die eta beraien bizipenak jasoz eta Artea eta emakumea dokumentala osatu dute. Urriaren 15ean, 19:00etan, Leitzako Herri Aretoan izanen da ikusteko aukera.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun