Emakumeei taldean lasterka aritzeko aukera eman nahi diete Leitzan. Entrenamendu plan bat jarraitu eta ikasturte osoan zehar erresistentzia maila hobetzea da asmoa. Gainera, taldean egiten den praktika honi segida eman, eroso sentitu eta nahi dutenek elkarrekin lasterketetan parte hartzea bultzatu nahi dute.
Azaldu dute gutxieneko maila bat izatea ez dela beharrezkoa: «Denentzat izanen da eta izena ematen dutenen arabera talde bat edo gehiago sortuko ditugu». Helburua, «norberaren bere erritmo eta gaitasun maila antzekoa dutenekin taldean joatea da».
Ikastaroan parte hartzeko, kiroldegiko bazkideek hilabetean 12 euro ordaindu beharko dituzte eta bazkideak ez direnek 17 euro.