Abuztuaren 8an eta abuztuaren 10etik 16ra, 20:00etatik 08:00etara martxan izanen da Leitzako pestetan arretarako telefonoa, 621 160 038. Puntu Morea, abuztuaren 10ean, 12an eta 14an jarriko dute. 20:00etatik 00:00etara informazioa eskuragarri egonen da eta aurrez aurreko arreta eskainiko dute Berheziren eskutik.
Pesta eremuan emakume* nahiz LGTBIQ+ kolektiboko kideren batek eraso bat pairatuz gero, arreta eta laguntza zuzena eta profesionala eskaintzeko zerbitzua da. Edozein intentsitateko erasoen aurrean, erasoa jasan duen pertsonari aurrez aurreko arreta emozionala eta bidelaguntza eskainiko zaio.