Zumarragako pilotalekuan ariko dira, igandean 11:00etan hasita
Leitzak Euskal Herriko txapelketako finalerdia irabazi zion joan den asteburuan Legutiori, Arabako txapeldunari. Leitzarrek hiru partidak irabazi zituzten. Kadete mailan, Leitzako Hodei Sagastibeltzak eta Aiur Ugartemendiak 22-3 irabazi zieten Legutioko Osorori eta Lekuonari; jubenil mailan, Leitzako Julen Baleztenak eta Aimar Zubillagak 22-7 irabazi zieten Legutioko Beitiari eta Motori eta seniorretan, Leitzako Hegoi Txoperenak eta Eñaut Goikoetxeak 22-11 irabazi zieten Legutioko Del Campori eta Arriolabengoari.