Herritarrek aurkeztutako hautagaien artetik hiru aukeratu ditu festa batzordeak:
Joanes eta Xabat Illarregi (bertsolariak)
Kultur transmisioan eta euskararen hedapenean erreferente dira Illarregi anaiak. Bertsolaritzaren munduan gaztetatik hasi eta nabarmendutako ibilbidea egiten ari dira. Biek hainbat aldiz parte hartu dute Nafarroako Txapelketan. Joanes lautan izan da finalista eta 2025ean txapeldunorde. Xabat, berriz, lau aldiz parte hartu eta gero, 2025eko Nafarroako Bertsolari Txapelketako irabazlea da. Gaur egun, Joanes euskara teknikaria da eta Xabat bertso irakaslea.
Nerea Zabaleta eta Naiara Perurena (emakume zientzialariak)
Nerea Zabaleta Biokimikan graduatua eta doktorea da, gibeleko gaixotasun arraroen terapia genikoan espezializatua. Nazioarteko egonaldiak egin ostean 2025ean Cimara (Nafarroako Unibertsitatea) itzuli zen, giltzurruneko gaixotasun genetikoetarako terapia genikoak garatzeko.
Naiara Perurena Farmazian lizentziatua eta Biologia Zelularrean doktorea da. Nazioartean egonaldia egin ostean, bederatzi urte eman zituen Harvarden minbiziaren erresistentzia ikertzen. 2025ean Zaragozara aldatu zen, bularreko eta pankreako minbizien metastasiei aurre egiteko ikerketa talde propioa zuzentzeko.
Jose Ramon Caballero Txoko (Herri langilea)
Herriko eguneroko bizitzaren eta herri mantentzearen funtsezko zutabea da, kaleak zein txokoak txukun eta garbi mantentzeaz arduratzen den langilea. Eguraldi txarrari zein goizaldeko hotzari aurre eginez, bere eske Leitzak bere itxura zaindua eta osasuntsua mantentzen du herritar guztien ongizaterako. Bere eguneroko konpromiso, gertutasun eta lan isilari esker, herri bizi, garbi eta atseginago baten oinarria bermatzen du egunero.